高鈞賢受訪談閃婚，自爆與太太的結晶品是一擊即中。 高鈞賢(Matthew)於2005年參加香港先生奪得冠軍入行，10年前約滿TVB北上發展前，曾由靚仔小生淪為劇集御用色魔。內地成名後，Matthew三年前回巢拍《白色強人2》演技首獲讚賞，之後的《一舞傾城》及《新聞女王》等演出亦同樣掀起熱話。參演熱播劇《刑偵12》的高鈞賢接受雷霆881商業一台《星光背後》專訪，節目中他除了披露與林保怡合作的點滴以及回顧入行二十周年的起跌外，也首度披露今年雙喜臨門，與愛妻Christine閃婚生女「一擊即中」的經過，「由拍拖到計劃結婚到生BB，係一年左右。」對於公布婚訊後，太太被爆有過一段婚姻及一對仔女，高鈞賢直認認識太太時已知，更坦言當後父無困難，「當佢哋係朋友，都係叫佢哋叫返我Matthew！」   去年「男人40」的高鈞賢，於12月初突然在網上發布多張婚照及孕照，自爆與年輕10年的圈外女友雙喜臨門。夫妻倆更早已在加拿大註冊結婚，並預告今年1月首當爸爸。之前高鈞賢甚少提及與太太的淵源，原來早於疫情前，二人已因工作認識，「三、四年前我哋只係朋友，因為佢公司有部份生意係護髮，佢搵我幫手拍片。當時只係朋友約吓食飯，已知道佢細我10年同有小朋友。最初覺得佢好識關心人，又叻又靚又勇敢追夢同識養生。」他指當年未試過追求離過婚及有小孩的女性，所以未有進一步發展。及至疫情後到內地工作重遇，才發覺太太很適合自己，「各有各生活幾年，我亦經歷過感情上嘅錯摸，先發覺呢啲(結過婚及有小朋友)根本唔係問題，最緊要大家夾，同理解明白我。」 高鈞賢直認與太太閃婚，「我哋好犀利，無嘥過任何時間。由拍拖到計劃結婚同生BB，係一年左右。」他更沒想過夫妻能「一擊即中」，高鈞賢稱：「我哋plan就一擊即中，因為佢公司做產前產後養生呢行，知點調埋身體。到我5月生日，佢就plan個trip去馬爾代夫，我哋去馬爾代夫就係計劃去做呢件事。真係好順利，一個月後就知。當時係覺得開心同幾勁，係一擊即中！哈！知道自己食嘅保健品好work。」至於高鈞賢宣布雙喜臨門不久，就有酸民爆愛妻是富家女及有過一段婚姻的背景，問圈外人太太有沒有受打擊，他說：「畢竟佢唔係圈中人，亦係後生女。所以公布嗰陣，話一定要講清楚細過我10年，其他都唔太理。當然佢有唔開心，我亦有心痛，所以第一時間企出嚟講返件事，好過太多猜測。」 笑談B女兒高子琳 談及4個月大的女兒高子琳，首當爸爸的高鈞賢說不停兼笑不攏嘴，至於問及跟太太一對仔女相處及做後父有沒有難度，他說：「由頭到尾我唔覺得難，因為我加拿大長大，有幾個好朋友，佢哋一到weekend就要去stepfather屋企，我反而覺得過程中難嘅係小朋友一方心理調節。我認為大人嘅角色就係要做朋友，我都係叫佢哋叫返我Matthew。同外國人一樣，唔需要迫佢哋叫我爹哋。因為佢哋知道自己爹哋係邊個，佢哋長大後就會有自己方法處理。」至於夫妻生女後，對於太太的一對仔女會否擔心偏心的問題，高鈞賢笑說：「大仔比較懂事，而妹妹始終係女仔，會敏感啲。佢而家成日問媽咪，幾時幫我改姓高。佢會諗好多嘢，想同我而家個囡囡高子琳close啲，呢啲我完全都唔會夾硬迫。總之我會負責返，點樣令大家一齊開心，或者到佢哋大個叫我爸爸，我當然會好高興。」 立即更新/下載AM730手機APP 體驗升級功能 Source link

夏蕙姨住160呎過渡屋：有個竇算好彩 近日有報道指出，夏蕙姨現時居於位於新田的過渡性房屋，單位面積約160呎，內有冷氣機、雪櫃及基本煮食設施。而夏蕙姨則自備雙人梳化床、飯煲，以及朋友所送的電動麻雀枱，她坦言「有個竇都算係好彩啦」，現在只求有張床、Wi-Fi網絡及平安鐘，更強調自己已通過資產審查，並且等足5年。 闊太變基層？2原因令夏蕙姨「跌落凡間」 翻查資料，夏蕙姨在18歲時遇上億萬富豪、名門律師胡百全，當時對方已有家庭，且年長她23歲，但胡百全仍對她展開熱烈追求。有傳當年夏蕙姨曾多次試圖抽身，甚至一度入修院、企圖輕生，卻仍然無法離開胡百全，最終她選擇為愛息影，更不求名份為對方誕下6名子女。 雖然二人最終分道揚鑣，但胡百全依然出手闊綽，每月仍給夏蕙姨約30萬元作生活費之用坐擁豪宅、名車等，如同過著闊太般的生活，風光無限。直到胡百全2008年離世後，夏蕙姨失去了經濟支柱，生活急轉直下，早前她接受傳媒訪問時坦言，指當年因缺錢而沒有能力「長期作戰打官司」，後來更有損友乘機騙走其位於西貢匡湖居物業的業權，令她由昔日貴氣闊太跌落至基層。 夏蕙姨表示，自己曾因無家可歸被迫留宿骨場，幸好獲朋友收留，多年來寄人離下，如今只能依靠每月$4,195的長者生活津貼過活。眼看「棺材本」只餘下不足1萬元，夏蕙姨曾一度申請法援，向胡百全先父胡禧堂的遺產信託基金索償，但由於法援認定她並非胡禧堂基金的受益人，加上胡百全與她的承諾契約追討期已過，故不獲受理。 晚年生活坎坷 不向子女伴侶求助原因曝光 與胡百全分開後，夏蕙姨很快結識了有「香港賽車之父」之稱的潘炳烈，二人於1983年結婚，婚後至今已有42年，並在2022年一起移民美國生活。直到去年，夏蕙姨獨自返港生活，但經濟狀況卻每況愈下，當記者問她為何不向子女或伴侶潘炳烈尋求幫助時，夏蕙姨淡然回答… 來源：FB@wonghawai2012、HKET Source link

混血肥仔丁丁同遊越南，意外被捕獲。 YouTuber混血肥仔與被爆偷食公司女主持丁彥均(丁丁)。事件曝光後，丁丁發聲明指沒有介人別人婚姻，而混血肥仔則發文，稱與太太芊蕙子已簽分居協議書，但芊蕙子就表示從未收到混血肥仔或律師提交的離婚呈請，更大爆男方在去年10月親口承認婚內出軌。 混血肥仔與丁丁遊越南被捕獲 近日有網民發現在一越南YouTuber的影片中見到混血肥仔與丁丁影踪。影片見到該名YouTuber正與兩位女士在戶外點餐，而混血肥仔與丁丁就在他們身旁行過，而該名YouTuber更讚丁丁靚女：「美女啊，桃花眼睛啊，哎呀真不錯啊，長的真的不錯啊，巴拉圭牛仔裙那個啊。」丁丁就一手插袋，並與混血肥仔並肩而行，男方就拿住一袋二袋。 混血肥仔：同幾個朋友去越南玩幾日啫 混血肥仔見有關影片在討論區引來熱烈討論之後，便火速在IG回應，他寫道：「唔出聲又會俾人老作，上星期放假同幾個朋友去越南玩幾日啫，我已經返到英國了，咁都俾人影到真係笑死。之前已經有好多報道做成好多傷害，好多人可以講好多嘢落井下石，好不容易大家走出了情緒低谷，唔一定要支持嘅，大家繼續好好生活就可以了。」 他亦轉發了另一朋友的限時動態，對方貼出在越南一間餐廳的黑白環境照，寫著：「唔知講咩好，但誠意推薦呢間嘅蛋咖啡，好！好！味！啊！」並標註了混血肥仔和丁丁，似乎是想告訴給大家知越南之旅並非只得兩個人。 他亦轉發了另一朋友的限時動態，對方貼出在越南一間餐廳的黑白環境照，寫著：「唔知講咩好，但誠意推薦呢間嘅蛋咖啡，好！好！味！啊！」並標註了混血肥仔和丁丁，似乎是想告訴給大家知越南之旅並非只得兩個人。 娛樂 混血肥仔生日更新IG：生日晚飯一人前 娛樂 混血肥仔認與芊蕙子分居 公開協議書內容認與丁丁了解過 娛樂 芊蕙子爆混血肥仔曾親認婚內出軌　直指冇收到任何離婚呈請 娛樂 混血肥仔形象插水 ViuTV《香港達人秀》原定3月上映突刪播放日 立即更新/下載AM730手機APP 體驗升級功能 Source link