Honora 是「物業監護人」（property guardian） 最近睇到有篇報道，講有位名叫 Honora 嘅女士搵到個方法，每個月唔使 £500 就可以喺倫敦租到屋住，一年慳超過 £5,000。 報道指，Honora 原本之前同朋友喺倫敦東北面 zone 3 嘅 Walthamstow 租緊一間兩房單位，每人每月要畀 £750，再加 £200 雜費。而家佢就同四個室友一齊住喺同區一個寬敞嘅改裝倉庫，但只係要 £480。而家東倫敦平均房租係 £944（SpareRoom資料），所以 Honora 自從上年八月搬入以來，佢就慳咗大約 £5,000。講到尾點解可以咁平？原來佢做咗「物業監護人」（property guardian）。 咩係「物業監護人」？即係一個人或者一班人住喺冇人住嘅物業入面，幫手保養好同保管好個物業，避免被人非法霸佔或破壞。 Honora 話，佢嘅住屋許可證唔需要承擔額外責任，只要好似一般租客咁負責任就得，另外所有雜費同 Council tax 都包埋。個單位本身用嚟做倉，有工業用冷氣同強力暖爐，天氣熱或凍都唔怕，地方夠大，仲有兩個客廳。成班人係自己買傢俬，基本上同租冇傢俬嘅樓一樣。 至於做「物業監護人」嘅壞處，就係如果業主想收返個單位，可以只提前 28 日通知住客。不過 Honora 話，物業代理同佢講過，業主暫時無打算咁做。 Honora 是「物業監護人」（property guardian） Honora 自行添置傢俬 單位裝修呈工業風 報道原文：Woman lives in London for £480 a month all bills paid – anyone