【今日睇咗未？】提起無綫舊情感觸落淚 炎明熹自組工作室「我自由咗喇！」｜葉蒨文早對GM情有獨鍾 直認《女神》有劇本（29/09/2025）
炎明熹（Gigi）因續約問題遭無綫雪藏逾一年，早前終於約滿離巢，今日（29日）與編導李敏、音樂總監Johnny Yim、策劃周國豐及主演鄭君熾、海兒、葉巧琳等出席音樂劇《一束光—高錕的記憶》記者會。今次的復出之作，她將與兩位唱將海兒與葉巧琳，分別擔任重要角色，演出連場歌舞，Gigi說：「今次演出一位未來少女，係接觸高錕個腦最接近嘅人，今次難度係跳舞、唱歌及演戲，三樣結合埋一齊就更加難，今次都會唱埋主題曲！我好鍾意入面三首歌，起初聽會比較難理解，但排練後又有新的感覺，好開心噚日終於完成錄音工作，原本只打算錄一首先，但大家突然都好有興致，最後索性錄晒！」
問到回復自由身的感覺，Gigi說：「係呀，我自由咗喇！依家開咗間細公司，叫『然后工作室』，改完名都有少少尷尬，希望唔好同人撞名，依家最希望可以接觸唔同音樂人，向大家取經，同埋好耐冇同fans見面聚會。當然成立工作室都唔太習慣，因為自己一有諗法就會好突然，同埋同事講完意見後，自己會冇咩諗法，要學習盡快做決定，不過大家都知我的性格，我會好好學習！呢段時間會有少少迷惘期，怕唔知將來會點，後來想清楚方向會好啲，自己定立咗方向就會勇往直前。」
有傳她將簽約內地公司，她就表示：「暫時係冇，我知有好多公司曾經搵過我，我都非常開心，好珍惜每個合作機會，但暫時中港咩公司都冇簽過，因為我想以我依家嘅年紀去嘗試不同嘅嘢，好似之前試過有公司模式，所以依家就想自己去（做）！有睇前輩訪問，話自己成立工作室會遇上困難，但自己都想吸收經驗。」Gigi更表示，希望可以有機會與TVB再合作，當提到昔日公司的同事，她即感觸落淚，「自己係TVB出身，一定會記住呢份恩情，將來希望有機會合作。由以前比賽到依家，一班台前幕後工作人員都好支持我，睇住我長大，好記得決賽當晚我好緊張，贏咗之後大家俾咗一個好深嘅擁抱俾我，一直都陪伴我，所以好唔捨得佢哋！」
她表示被雪期間沒有情緒問題，因為一直迫自己去做其他事，更笑言每日迫自己入焗爐而非雪櫃，故每日過得好開心，「除咗返學，享受校園生活之外，呢段時間多咗時間學唱歌、跳舞，又有機會學射箭同攝影，而且返咗石家莊探屋企人，佢哋之前都會擔心我，會俾好多意見我，但依家我長大了，有自己方向，希望唔使令佢哋再擔心！」
更多現場圖輯：
