丁子朗辱罵劉佩玥「地產雞」獲熱捧名場面 劇集開播初期一集講道到，阿Nat妒忌世鏗因Rachel（張曦雯飾）冷待自己，遂以世鏗半裸照威脅男方到夜店見面；豈料世鏗不但冇有怕、還囂張地高舉自己的半裸照任人欣賞：「大家過嚟吖，我張相嚟架，好唔好J呀？英唔英偉呀？」 之後再拿出阿Nat裸照益街坊兼辱罵阿Nat，樣子極盡瘋狂賤格：「你唔夠玩嘅唔好同我玩，我驚到時蝕底嗰個係你咋，地～產～雞！」凌辱完阿Nat後，世鏗露出一副極度不可一世的奸險樣，再有型地攤開雙手表示萬歲，令不少網民看至咬牙切齒的同時，又忍不住大讚丁丁好有型兼演衣冠禽獸入型入格！ 丁子朗今年三部作品角色大不同  今年先後推出作品《奪命提示》、《執法者們》及《俠醫》的丁子朗，還獲網民大讚可塑性高，無論是機智熱血刑警、活潑開朗義氣線人，或是超級衣冠禽獸，丁丁都演得入木三分，三部劇集演出了截然不同的感覺，而且每次造型亦能帶出新鮮感！ 不過今次首度挑戰大奸角，丁子朗雖然「戚眉」動作有心思，但是在劇集熱播後期，就因為演技表情太過猙獰，加上表演力度過猛，令不少網民及觀眾都狠批太過「奸得表面」！ 丁子朗角色造型似衣冠禽獸   至於談到角色造型，丁子朗感恩監製給予了他很大信任及自由度，並坦言自己在眼鏡及西裝造型上確是花了不少心思：「我睇完劇本覺得呢個角色需要一副眼鏡，我就摷咗副眼鏡出嚟，監製話我覺得舒服就得，造型嘅嘢可以自己決定，好多謝佢畀咗好大自由度同信任我去創造呢個角色。至於西裝造型就係同公司服裝同事夾出嚟嘅，我哋做咗兩次造型，因為想望落去官仔骨骨啲，起碼睇落個樣要唔似壞人。」 問到拍攝強吻Kelly場口會否很大壓力時，丁子朗直認不諱，並感激Kelly予以百分百信任及支持：「佢好好，佢叫我放心，仲話『你隨便做啦，我一定會隨時配合你』，好開心佢畀到呢個信任我，阿Moon都係畀咗101%信任我。」 為演好「智慧型奸仔」激瘦10磅保身形最佳狀態 劇中要應付不少除衫場口、大晒超結實背肌、麒麟臂及朱古力腹肌，丁丁坦言為了保持Body在最佳狀態，每次拍晒肌場口前必先餓足兩日，並因而瘦了十磅：「每次拍除衫戲前，我都會兩日唔食固體食物、主要飲流質嘢，將身體多餘嘅嘢排走佢，然後再去做gym。所以每次拍完除衫戲都好攰好攰，想即刻食番包糖，平時我係完全唔食零食嘅人…可能就係因為太辛苦，我就慢慢變瘦咗，拍完套劇前後瘦咗成十磅左右。」           Source link

  陳豪晒驚人Core力教做高難度「健盆腔操」 雖然相關片段只有8秒，但由於陳豪要應付的動作相當高難度，除了要大半個人離地趷起、僅剩上背及頭部緊貼地面展現驚人腰力，還要不斷高舉雙腳「踩空中單車」，加上配合的宣傳語句相當翹口，前後一共吃了超過十次NG！ 陳豪示範「健盆控操」辛苦到走音 根據無綫官方社交平台發布的NG花絮片，陳豪拍攝場口時不但辛苦時使出招牌經典「高八度破音」+「紅都面晒」，還全程忍不到笑兼做幾吓便整個人碌回地面，期間陳豪還一度了無生趣高呼：「呢套動作，呀～」事後，監製轉發相關NG片，並搞笑留言：「俠醫劇組虐老，但陳豪寶刀未老。」 陳豪親揭有心有力秘訣 陳豪受訪時，笑言相關「片中片」由於涉及大量資料性學術語言，加上要同步示範高難度動作，他也直言是「難上加難」。談到拍攝《俠醫》不時要應付打鬥場面、不但要武動重達8磅的7呎長「白蠟桿」、還要大晒踢腿功；年過50的陳豪每次都踢出令人驚艷高度、身手獲認證。 問到陳豪為何如此有腰力兼好身手時，陳豪謙稱全靠「日子有功」：「慶幸自己過往一直比較注重體能訓練，core都算強壯，同埋慶幸日子有功還能夠應付一般基本動作。」除了動作多多，陳豪今次拍攝《俠醫》還要應付大量資訊性對白，他坦言確實難入腦：「由醫學到醫藥，人體的穴位、治療方式、藥物療效，坦白說，比起演醫生的戲劇，還要有挑戰性；尤其是當精神狀態不理想、硬資料的對白會比較難入腦。」 陳豪為Kelly施針醫治乳房增生 陳豪還有一幕為張曦雯施針醫治乳腺增生的場口頗為特別，為了照顧Kelly感受，劇組全程只close up了Kelly的表情交代劇情，並沒有刻意拍攝陳豪手部動作、或是Kelly胸部特寫，拍攝安排相當體貼。 Source link